LEGAZPI CITY—Nakatalaang ikundusir an Nationwide Simultaneous Earthquake Drill sa Department of Education Bicol sa Barangay Rawis, Legazpi City ngunyan na aldaw nin Huwebes, Nobyembre 5, alas-9 nin pagkaaga.
Segun ki Office of Civil Defense Bicol Spokesperson Gremil Naz, sa intrevista kan Bombo Radyo Legazpi, ipapahiling sa aktibidad an evacuation capability kan mga partisipante, first aid management, magin an tsunami evacuation pasiring sa salbadong lugar.
Kasunod kaini inimbitaran kan opisyal an lambang saro mapa-pribado man o public employee na makisumaro sa gigibohong earthquake drill na sasabayan nin World Tsunami Awareness Day.
Mensahe man kaini urog na sa mga opisina, eskwelahan, establishimiento na harani sa coastal areas an dapat na ibale sa saindang earthquake drill an tsunami evacuation plan.
