LEGAZPI CITY—Pigkarkulong nasa 54,600 na pasahero o katumpad nin 38% an nairehistrong paglangkaw sa numero kan mga pasahero na palaog asin paluwas nin mga pantalan sa rehiyong Bicol durante kan obserbasyon kan Undas 2026.
Segun ki Philippine Ports Authority Port Management Office Bicol Division Manager/ Media Relations Officer Achilles Galindes, sa intrevista kan Bombo Radyo Legazpi, halangkaw an datos ngunyan na taon kumpara kan nakaagi huli sa nagin epeketo kan Bagyong Tino kan nakalihis na taon.
Dugang niya na nag-abot man sa labi 48% an inihalangkaw kan numero nin mga pasahero nag-agi sa Matnog port, Sorsogon kumpara kan nakalihis na taon.
Nagin maayos man suboot an sitwasyon asin warang nairehistrong anumang untoward incidents.
Sa presente nagtitinir na alerto an ahensya asin padagos an pag-monitor sa mga pantalan sa rehiyon.
