LEGAZPI CITY-Naka full alert o red alert an Bureau of Fire Protection (BFP) Legazpi sa posibleng aktibidad liwat kan Bulkang Mayon.
Segun kay BFP Legazpi Spokesperson Senior Fire Officer 2 Norman Andes, sa intrevista kan Bombo Radyo Legazpi na naka-standby sinda sa status kan Mayon mantang wara man nin nairehistrong insidente sa tahaw kan pagtuga kaini kan nakaaging aldaw.
Padagos man sindang pagroronda sa mga komunidad.
Afuera sa Guinobatan, kun sain sinda nagsagibo nin flushing operation huli sa ashfall, wara man nin masyadong apektadong mga lugar.
Katakod kaini, bukas man an saindang asistensya para sa mga komunidad asin padagos man an saindang pagirumdom sa publiko, orog na sa social media, kan mga dapat gibuhon sa siring na mga sitwasyon.
Padagos man an saindang pigsasagibong koordinasyon sa mga ahensya, asin LGUs huli sa aktibidad kan Bulkang Mayon.
