Laog na sa quarterfinals kan Toray Pan Pacific Open si Filipina tennis star Alex Eala makalihis daugon an Australian player na si Talia Gibson sa tulong set 4-6, 6-2, 6-0, sa Round of 16 kan torneo.
Nadifisilan si Eala sa enot na set makalihis an dikitang laban, alagad nakua ini ni Gibson sa iskor na 6-4.
Tulos mang nagbawi an Pinay tennis star sa ikaduwang set, padiit-diit niyang nakontrol ang kawat asin ipanahiling an mas agresibong performance, kabale an mga service ace, nganing maipanggana an set sa iskor na 6-2.
Sa deciding third set, dagos nang nangenot si Eala makalihis idomina an kawat asin dae makapuntos si Gibson. Tinapos niya an laban sa 6-0 na iskor nganing makasierto nin pwesto sa quarterfinals.
Makalihis an laban, nagpasalamat si Eala sa mga Pilipinong nagpasiring sa Japan nganing personal siyang suportaran. Nagpromesa man siyang liwat na mahihiling kan saiyang mga tagahaga sa masunod na yugto kan torneo.
