LEGAZPI CITY-Labi sa 22 an nairehistrong gadan mantang 24 naman an nairido makalihis magsalpok an sarong bus sa cargo truck kan aldaw nin Domingo, Oktubre 25 sa sarong highway sa Makaueni, Kenya.
Basado sa imbestigasyon kan lokal na pulis, hale suboot sa lamay an mga pasaherong lunad kan nasabing bus kan mangyari an aksidente.
Presente naman na nagpaparahay an mga nairido alagad segun kay Makaueni County Commissioner Abdullahi Khalif, posible pang maglangkaw an numero kan casualty.
Bako pa malinaw an kawsa kan nasabing aksidente mantang susog sa pulis, posibleng nakaapektar sa insidente an speeding asin maraot na kondisyon kan kakalsadahan.
An nasabing highway, na nagkokonektar sa Mombasa City asin kabiserang Nairobi, nangyari man an sarong banggaan tulong semana antes an nasabing insidente, kun sain nairehistro man an 17 gadan.
Susog sa mga otoridad, pirmihan suboot na igwang banggan sa nasabing kalsada asin “accident black spot” ini kan highway.
