Rinibong Israeli ang nagprotesta sa Tel Aviv nganing ikondena an gobierno ni Prime Minister Benjamin Netanyahu, pirang aldaw antes an eleksyon sa nacion.
Pinangenotan kan October Council, sarong grupong kompwesto nin mga pamilya kan mga nagadan asin bihag sa pag-atake kan Hamas kan Oktubre 7, 2023, ang hiro protesta nganing idoon an paninimbagan sa kabiguang mapugulan an nasabing pag-atake na naging mitsa kan giyera sa Gaza.
Susog sa mga report, nag-atendir sa protesta ang mga kan apat na pangenot na partido ng oposisyon, kabale si Gadi Eisenkot, dating hepe kan militar kan Israel.
Sa pahayag kan October Council sa social media, pigdoon kan grupo an pangangapuhang maibuyagyag an katotoohan, mapanimbag an mga responsable asin makapag-establiser nin sarong komisyon nin estado na magsisiyasat sa mga pagkukulang na nagtaong dalan sa pag-atake.
Nagmartsa ang mga demonstrador hale sa Rabin Square pasiring sa Hostages Square, na naging sentro kan mga naenot na kilos-protesta nganing idoon an pagpapalibre sa mga mga bihag na dinara sa Gaza.
