Matrayumpong natapos kan Armed Forces of the Philippines (AFP) an rotation asin resupply mission kaini sa Ayungin Shoal sa West Philippine Sea.
Segun sa AFP, warang nagin aberya sa operasyon, asin wara man nin report na may pakikiaram an mga sakayang pandagat kan China.
Pigpaliwanag kay Retired Rear Admiral asin tagapagtaram kan AFP para sa West Philippine Sea na si Roy Vincent Trinidad na regular na parte kan saindang aktibidad an rotation kan mga personahes asin an paghatod kan mga esensyal na supplies.
Urog pang pigduon kan opisyal na magpapadagos an siring na mga misyon bilang parte kan mandato kan militar.
Dati nang sinabi kan China Coast Guard na naghagad nin permiso sa sainda an AFP antes maghatod nin mga supply sa grounded vessel sa Ayungin Shoal.
Alagad, ini kontra sa taramon kan AFP sa operasyon, na segun sa militar na naisagibo ini na warang aberya.
