LEGAZPI CITY-Inakusaran ni Vice President Sara Duterte an administrasyon ni Marcos na piggagamit suboot an mga alegasyon laban saiya manungod sa isyu kan mga negosyong pinondohan kan China asin an drug bust sa Laos, kaiba an saiyang sinasabing travel authority sa Laos, nganing patalsikon suboot siya sa puwesto.
Sa sarong opisyal na pahayag na ipinaluwas kan Office of the Vice President kan Martes, Oktubre 20, ipinahayag kan bise presidente an saiyang sentimyento na idinadawit siya kan gobierno sa mga bagong isyu nganing ipahiling siya bilang sarong peligro sa pambansang seguridad huli ta dae napapatunayan kan prosecution team kan Kamara an mga akusasyon laban saiya.
“Now, we are witnessing an apparent shift in the government’s narrative in taking me down, attempting to reframe the matter as a national security issue. Every thread seems to be stretched into a conspiracy—from a business venture allegedly linked to Chinese funding to a drug bust in Laos supposedly connected to a Mindanao-Davao conspiracy,” an nakasurat ni Duterte sa saiyang pahayag.
Kinuwestyon man kan Bise an mga ebidensya sa likod kan nasambit na mga akusasyon asin ipig-doon na wara man ining mapapatunayan.
Mantang, “fabricated” o gibo-gibo sana suboot, susog ki Duterte, an sinasabing travel authority niya sa Laos kasunod kan paglakop kan sinasabing dokumento na nagbiyahe sa Laos an Bise, na inapod niya ining desperado na idawit siya sa Laos drug bust.
“What we see instead is desperation, exemplified by a purported travel authority for Laos that appears to have been fabricated to prop up a narrative unsupported by credible evidence,” an sabi ni Duterte.
Dugang pa niya, na an pinabulaanan kan Malacañang, puro sana suboot kawaran nin katotoohan an sinasabing Laos travel authority kan opisina kan Bise Presidente.
Piglinaw man kan Department of the Interior and Local Government na wara nin koneksyon an pamilya Duterte sa nasambit na drug bust sa Laos.
“Government should start working and stop politicking. The people are impoverished, hungry, and angry,” an dugang na sabi ni Duterte.
