LEGAZPI CITY- Piglansar na sa South Korea an ikatulong offshore patrol vessel kan Philippine Navy, segun sa report kan Bombo Radyo News.
Parte ini kan mga espwersos na pakusugon an kapasidad kan Philippine Navy sa pagbabantay asin pagprotehir sa kadagatan kan nacion.
Pig-aasahan na makakatabang an mga arog kaining barko sa maritime security operations asin pagresponde sa mga insidente na nangangaipo nin presensya kan hukbong-dagat.
An paglansar kan sakayan sarong lakdang pa sana sa proseso nin pagbuo kaini.
An dugang pang mga detalye piglalaoman manungod sa mga masunod na ebalwasyon, pagsasanay, asin an opisyal na paglaog kaini sa serbisyo.
