Pakukusogon kan Department of Education (DepEd) asin Department of the Interior and Local Government (DILG) ang seguridad sa mga eskwelahan sa paagi nin pag-deploy kan mga barangay tanod asin pagpapahewas kan sakop nin national 911 emergency system sa mga eskwelahan.
Nakabugtak ini sa joint memorandum circular na pinirmahan kan duwang nacion kan Oktubre 14, sa pangengenot ninda Education Secretary Sonny Angara asin Interior Secretary Jonvic Remulla.
Kasabay kan pagpirma kan kasunduan, nagsagibo man an mga opisyal nin school safety audit asin emergency drill sa Bangkal High School sa Makati City.
Sa irarom kan kasunduan, pwedesir makipagkoordinar an mga eskwelahan sa saindang barangay nganing maghagad nin mga tabang kan mga tanod sa pagmamantinir nin kaayusan asin seguridad sa laog asin palibot kan mga eskwelahan.
Nilinaw kan Deped na dae riribayan kan mga barangay tanod ang mga awtoridad kan eskwelahan o an mga alagad kan ley.
Masairarom man an mga tanod sa oryentasyon nganing masierto na mapapangatamanan an direchos kan mga estudyante, masusunod ang mga patakaran sa child protection, asin mamantinir an kaligtasan sa mga eskwelahan.
