LEGAZPI CITY-Pig-enganyar ni House prosecution panel adviser asin spokesperson Ace Barbers an mga national security officials na imbestigaran kun pigsasamantala kan China an mga isyung pagbanga sa pulitika kan Pilipinas sa tahaw kan impeachment trial ni Vice President Sara Duterte asin mga tensiyon sa West Philippine Sea (WPS).
Segun ki Barbers, kaipuhan na determinaran kun an timing kan aksyon kan China sa kadagatan, nagkataon sana o parte kan mas mahiwas na estratehiya nganing raoton an pagkasararo kan mga Pilipino.
Alagad, piglinaw kan dating mambabatas na an pagkakataon sana kan panahon kan mga pangyayaring ini, bakong supisyente na patotoo nin sarong koneksyon.
Idinoon niya na an anuman na pag-analisar, dapat nakabase sa mapagkakatiwalaang intelihensya asin beripikadong ebidensya.
Nagpatanid man siya sa China na pwedisir na mapakinabangan kan China an matinding iriwal sa politika sa laog kan nacion kun maililihis kaini an atensiyon kan publiko orolay sa sa West Philippine Sea.
Tinawan duon kaini na an impeachment trial sarong konstitusyonal na proseso, asin warang dayuhan na nacion an dapat mag-aprobitsar kan mga pagkakaiba kan mga Pilipino nganing ibusol an sadiring interes.
Nangapudan man an opisyal sa gabos na Pilipino—ano man an saindang lado sa pulitika—na magtenir na mapagbantay laban sa posibleng panghihimasok kan mga dayuhan asin magkasararo sa pagdepensa kan soberaniya asin nasyunal na interes kan Pilipinas.
