LEGAZPI CITY-Nagtetenir sa Alert Level 2 an Bulkang Mayon susog sa Philippine Institute of Volcanology and Seismology (PHIVOLCS), sa ibong kan bahagyang pagbuga nin abo.
Basado sa datos, naghaloy an ash emission kaini nin sarong minuto.
Nakapag-rehistro man nin 10 volcanic earthquakes, asin nasa 567 tonelada nin sulfur dioxide poon kan suudma, Oktubre 17.
Nagkakaigwa man an bulkan nin katamtamang pagsingaw na napadpad sa kanluran-hilagang kanluran parte kaini.
Sa presente, mahigot man liwat an patanid kan ahensya na publiko na ibitaran an paglaog sa 6-km permanent danger zone.
