LEGAZPI CITY-Ipinahayag kan sarong Political Analyst na posibleng magkaigwa nin mga pagbabago sa Bangsamoro Autonomous Region in Muslim Mindanao (BARMM) makalihis an 2026 parliamentary elections.
Segun ki Political Analyst Prof. Amir Solon Sison, sa intrevista kan Bombo Radyo Legazpi na posibleng magtao ini nin pagbabago sa sa government system asin pag-isipan an pagpapaoton nin federalismo, alagad masyado pang amay kun sasabihong magigin matraumpo ini sa presente.
Pinaglalaoman man kan Propesur na ma-sustinir ini ngani mahiling an epekto sa Pilipinas, orog na kun mawot baguhon an politika sa nacion ngani makapag-focus sa party politics asin sa saindang mga plataporma.
Makamundo man suboot na igwang mga nangyaring bayolenteng insidente durante kan eleksyon, alagad piglalaoman na ini kan mga otoridad orog na kan Armed Forces of the Philippines (AFP).
Tinawan doon man niya na dakula an nagin pagbabago sa BARMM, halimbawa na an mga naireport na pagbaba sa poverty rate, na posibleng magsernbing paagi sa pagsustinir kan katoninongan.
Ini an enot asin pinagkokonsiderang makasaysayang parliamentary election sa Bangsamoro Autonomous Region in Muslim Mindanao.
