LEGAZPI CITY-Nangapudan an Department of Foreign Affairs (DFA) sa China na punduhon na an saindang pagsakop sa Panganiban asin Subi Reefs sa West Philippine Sea.
Sinabi kan ahensya na an mga ini malinaw na nasa laog kan Philippine exclusive economic zone (EEZ) asin kabali sa United Nations Convention on the Law of the Sea (UNCLOS) basado sa 2016 Arbitral Award.
Ipig-asegurar kan DFA na nagbabalgar sa Philippine Maritime Zones Act asin UNCLOS an pagtugdok nin isla kan China.
An pahayag kan DFA kasunod kan pagpakawala nin flare kan People’s Liberation Army (PLA) sa eroplano kan Philippine Coast Guard (PCG) na nagkokondusir nin maritime domain awareness flight kan Lunes.
Nagpaluwas man nin radio challenge an pwersa kan China na nag-ookupar kan Panganiban asin Zamora Reefs sa eroplano kan Pilipinas antes maglapag sa Isla nin Pag-asa.
