Inihayag kan Philippine National Police na nasa 26 na an mga badil na isinurendir na konektado ki Sen. Ronald “Bato” dela Rosa, makalihis bawion kan PNP an saiyang gun license asin mga firearm registration.
Segun ki PNP Public Information Office chief Col. Allen Rae Co, 20 armas an isinurendir sa Davao mantang anom an nai-turn over sa Region 4, kaya uminabot sa 26 an nasa kustodiya kan kapulisan.
Sa ibong kaini, 91 sa kabilugan na 117 firearms na nakarehistro sa pangaran ni dela Rosa an dae pa na-account.
Padagos suboot na nakikipag koordinar an PNP firearms and Explosives Office (FEO) sa pamilya kan senador para sa pagsurendir kan natatadang armas, asin pwedesir na magsagibo nin legal na police action para mabawi an mga ini.
Padagos man an operasyon kan PNP ngani na hanapon si Dela Rosa asin iserbi an warrant of arrest kontra saiya.
Dae man ibinunyag kan kapulisan an saiyang lokasyon huli ta posible suboot na malaag sa peligro an operasyon.
Segun sa pinakahuring impormasyon kan PNP na nagtetenir man liwat sa Pilipinas an senador.
Si Dela Rosa an pinaghahanap huli sa arrest warrant kan International Criminal Court sa imbestigasyon sa crimes against humanity na may koneksyon sa drug war kan administrasyon ni dating Presidente Rodrigo Duterte.
