Hinagad man ni Sen. Erwin Tulfo na pahampangon sinda Col. Raymund Lachica asin Col. Dennis Nolasco sa Senate Impeachment Court.
Ini an nganing personal nindang masimbag an mga kahaputan katakod sa paggamit ng confidential funds ni Vice President Sara Duterte.
An duwang military official ay parehong nabanggit sa pag-usad kan trial kontra ki VP Sara huli sa suboot pareho sindang nakaresibe nin milyones na kantidad nin confidential funds para sa pagpapaotob kan mga programa ng Office of the Vice President asin kan Department of Education.
Segun ki Tulfo, pare-pareho ang mga senator-judge na mawot mahapot an duwa kun saen ninda ginamit an mga nasabin pondo, asin mawot kan mga husgado na pahampangon an mga opisyal.
Para naman kay Lead Prosecutor, Rep. Gerville Luistro, napagdesisyunan na kan House panel na dae na pahampangon an duwang military colonel sa korte.
Nakukumpleto na kan mababang kapulungan ang mawot nindang ipresenta mapadapit sa suboot maanomalyang paggamit ni VP Sara sa saiyang confidential funds asin dae na kaipuhan pang ipresenta pa ang duwang opisyal.
Siring man, nanindugan man si Trial Presiding Officer, Sen. Chiz Escudero na kun kaipuhang ipaapod kan korte ang duwang opisyal, bago mag-render nin desisyon ang impeachment court an gigibohon ini kan korte
