Kumpiyansa si National Bureau of Investigation (NBI) Chief Melvin Matibag, na dagos na mababawasan asin mawawara an negatibong impluwensya kan social media sa mga jovenes kun dagos na maipaotob kan kumpanyang META an mga promesa kaini.
Sinabi kan NBI Chief na naging mabunga an ginibo nindang meeting sa Singapore kaibanan an opisyal kan META kun sain ipinaabot ninda an naglalalang insidente kan mga negatibong impluwensya kan social media sa mga jovenes.
Maging an mga nagpapalakop nin fake news an marikas man na mahahanap oras na ipaotob kan META an nasabing paghihigot sa platform.
Marurumduman na inihayag ni Matibag na igwang nagkapirang groomers na nagagamit nin social media ngani na tukduan an mga joven na gumibo nin manlain lain na krimen.
