LEGAZPI CITY-Kanselado an nakatakdang impeachment trial ni Vice President Sara Duterte asin an sesyon kan Senado ngonian na aldaw nin Martes, Agosto 18, huli sa piglalaomang pag-uuran asin pagbaha na epekto kan Southwest Monsoon o Habagat.
Sa abisong ipinaluwas ni Senate Secretariat asin Impeachment Court Clerk Renato Bantug Jr., sinabi kaini na pigtugon ni Presiding Officer Senador Francis “Chiz” Escudero an pagkansela kan pagdangog kan impeachment court bilang pag-iingat sa piglalaomang raot nin panahon.
Susog sa abiso, pinaglalaoman kan impeachment court an forecast kan matinding pag-uuran asin posibleng pagbabaha sa nagkapirang parte kan nacion kawsa kan Habagat.
Ini na an ikaduwang pagkakataon na naantala an impeachment trial huli sa maraot na panahon, makalihis na ipagliban man ini kan Agosto 10.
Kasabay kaini, tinugutan ni Senate President Sherwin Gatchalian an mga opisyal asin empleyado kan Senado na mag-work from home ngonian na aldaw.
Huli sa suspensyon, dai muna madadagos an direct examination kan House prosecution kay Gina Acosta, na dating special disbursing officer kan Office of the Vice President, na saro sa mga pangenot na testigo sa paglilitis.
Naenot nang nagpaluwas an Malacañang nin memorandum na nag-susugo sa mga tanggapan kan gobierno sa Metro Manila asin nagkapirang karatig-lalawigan na magpaotob nin alternative work arrangements kasabay kan pagsuspinde kan face-to-face classes huli sa epekto kan Habagat.
