LEGAZPI CITY-Sinabi ni Department of the Interior and Local Government (DILG) Secretary Jonvic Remulla kan Sabado na pig-iimbestigaran na kan mga otoridad an suboot pagkaantala sa pagtugon sa sarong apod sa 911 sa panahon kan sarong medikal na emerhensya, kasunod kan sarong viral na post sa social media.
Segun sa huring update, kinumpirma ni Remulla an pagbusisi kaini asin sindabing, pig-iimbestigaran na an bagay na ini.
Sa viral Facebook post, ipig-istorya kan sarong netizen na si Basti Askri an pag-dial niya sa 911nin haros 10 minuto asin warang nareresibeng simbag mantang naghahagad ini nin tulos na tabang medikal para sa saiyang ama na inatake sa puso.
Susog sa post, igwa suboot na nagsimbag alagad pinaghalat pa ini asin madadangog suboot an mga tawanan asin chikahan mantang nagsisimbag kan emergency assistance.
Sinabi man kan netizen na kan magabot na an ambulansya, wara suboot ining automated external defibrillator (AED) asin an iba pang importanteng kagamitan.
Huli digdi, kinaipuhan kan pamilya na magsagibo nin CPR sa nasabing ama asin wara suboot na nagpalit na mga medical personnel.
Kalaunan, nagadan an ama kaini.
An mga paratang, nagbusol sa ahensya na imbestigaran an mga pangyayari katakod kan pagresponde kan 911 asin mga kagamitan kan ambulansya.
