LEGAZPI CITY-Balik showbiz na an Queen of All Media na si Kris Aquino makalihis an saiyang hiatus sa entertainment industry.
Nagkaigwa man tulos nin bagong role si Kris para sa upcoming show na C.H.I.K.A. o Chief Head of Insights and Kontent Analysis sa sarong online platform.
Inanunsyo ni Kris an saiyang bagong collab sa saiyang Instagram Stories kan Agosto 7 asin pigheras niya an saiyang excitement sa nasabing proyekto.
Mahihiling sa video na ipinaluwas kan mismong platform an paglakaw ni Kris na igwang kumpiyansa sa sarong editing room, asin na-meet niya an editor na si Earljohn.
Mientras tanto, ikinaogma man ini kan saiyang mga fans na haloy nang naghahalat sa pagbabalik ni Kris sa telebisyon makalihis an saiyang pakikipaglaban sa autoimmune disease.
