LEGAZPI CITY-Ipighayag kan Political Analyst na naipresenta kan Prosecution Panel an mga iregularidad sa ginamit na intelligence asin confidential funds ni Vice President Sara Duterte sa ika-12 aldaw kan saiyang impeachment trial.
Segun kay Political Analyst Prof. Dennis Coronacion, sa intrevista kan Bombo Radyo Legazpi na nailatag kan Prosecution Panel an kadaklan sa mga iregularidad asin dai pagsunod kan Office of the Vice President (OVP), siring man kan siya Kalihim pa kan Departmet of Education (DepEd).
Kadakol man suboot na naaraman an publiko mapadapit sa proseso kun pano naipapaluwas an public funds na naka-alokar sa sarong ofisina kan gobierno asin kun ano an mga rekisitos makalihis ining gastuson.
Mahihiling suboot sa pagpadagos kan trial na kumplikado an mga pinag-aagihang dokumento kaiba an mga rekisitos para sa joint circular orog na kun ini para sa intelligence funds o confidential funds.
Tinawan doon man kan Propesor na igwang listahan na ipinaluwas an Commission on Audit (COA) kan mga pwedisir gamitan kan confidential funds.
Kun sain dai kabale digdi an pagbabakal nin bulong, tukawan, o lamesa, na sarong pagbayolar suboot sa tamang paggamit kan nasambitang pondo.
Dagdag pa kan opisyal na wara man nin naipahiling na listahan kan mga ebidensya o resulta an ofisina kan Bise Presidente.
Pighahanap suboot digdi an resulta kun sain dinara an mga pondo asin dapat igwang patutunguhan an paggasta digdi.
