LEGAZPI CITY-Piglinaw kan Department of Foreign Affairs (DFA) na an mga produktong gibo sa Pilipinas, dai naggagamit o dai naglalaom sa forced labor o sapiritang pagtatrabaho.
Ini kasunod kan pagpataw na 12.5% na taripa kan US government sa 60 nacion kaibanan an Pilipinas, na suboot kulang an aksyon laban sa forced labor.
Tinawan doon kan ahensya na haloy nang napatunayan kan Pilipinas na an mga lokal na produkto kaini, kaiba an mga iniluwas sa Amerika, an dai nakadepende sa forced labor.
Susog sa ahensya, igwang mga ley an Pilipinas na nagbabawal sa forced labor asin padagos na pinapakusog an legal asin institutional framework kaini sa paagi kan paglalatag kan mga mekanismo ngani imbestigaran asin matugunan an mga alegasyon katakod kan mga produktong ginibo sa paagi kan forced labor.
Katakod kaini, padagos suboot na makikipagkoordinar asin makikipag-olay an gobierno kan Pilipinas sa saindang mga counterpart sa US siring kan Office of the United States Trade Representative (USTR) ngani iapela an taripa asin ipaliwanag an kampo kan nacion.
Segun kay Philippine Ambassador to the United States Jose Manuel Romualdez, makikipag-negosasyon sinda na bawasan an 12.5% na taripa.
