Nakaresibe man an Bureau of Immigration (BI) nin impormasyon katakod kan suboot planong paghali sa nacion ni dating House Speaker asin presentent Leyte Representative Martin Romualdez.
Segun ki BI spokesperson Dana Sandoval, naipaaram sa ahensya an planong pagbiyahe kan lehislador alagad dae man nadagos.
Dugang pa kan BI official na aram suboot ni Romualdez an naga iral na derogatory records asin restriksiyon.
Marurumduman na enot ng pigbuyagyag kan Ombudsman na binalo suboot ni Romualdez na maghali sa Pilipinas sa ibong kan precautionary hold departure order kontra saiya.
Pinahimutikan man kan kampo kan kongresista na nagbalo ining magdulag asin pigduon na nagtetenir ini sa nacion.
Segun sa tagapagtaram ni Romualdez na si Atty. Elaine Atienza, nakahanda an dating house speaker na hampangon an Office of the Ombudsman asin magtetenir ini sa nacion hasta sa malinig an saiyang pangaran.
Marurumduman na saro si Romualdez sa mga pig-iimbestigaran kan Ombudsman katakod kan suboot korapsyon sa flood control projects.
