LEGAZPI CITY-Nai-rehistro an Magnitude 5.2 na pagyugo sa Claveria, Masbate asin nai-rekord man kan Phivolcs an nasa 54 aftershocks.
Segun kay Segun ki PHIVOLCS Masbate Officer Ronald Dela Cruz, sa intrevista kan Bombo Radyo Legazpi, makusog asin kadakol na nakamate kan linog asin an epicenter kaini nasa Burias sa Claveria, Masbate.
May rarom ining 7 km asin namatean man ini sa parte kan Albay, Naga, Quezon, Pasacao, Camarines Sur, Jose Panganiban, Camarines Norte, Pili asin Sipocot sa Camarines Sur, asin Aroroy Masbate.
Sinabi kan opisyal na mahewas an nagin sakop kan linog asin nilinaw niya na bako aftershock an kasunod na magnitude 5.4 na linog sa lugar, kundi mga serye nin earthquake na nangyayari sa Claveria.
Saro ining ‘earthquake swarm’ sa offshore kan Claveria, Masbate asin nag-aabot sa Magnitude 1.6 hasta 5.4 an pagyugo asin igwang rarom na nag-aabot sa 1km hasta 45km.
Nagkapirang eskwelahan man sa lugar an suspendido muna an klase huli sa mga pagyugo.
Dagdag pa ni Dela Cruz na dai na malangkaw pa an magnitude kan linog alagad pinaglalaoman na mahaloy pa an mga pagyugo nin pirang aldaw o semana.
Napapatahawan kaya an lugar nin duwang aktibong fault, na nagkakawsa kan mga pagyugo.
Nagpatanid man an opisyal sa publiko mapadapit sa mga dapat maaraman enkaso igwang siring na kalamidad sa lugar.
