Naglanasar an administrasyon ni U.S. President Donald Trump nin sarong kampanta ngani na isuway asin buwagon an International Criminal Court (ICC) huli sa pigkokunsiderar kaining huma sa soberanya kan Estados Unidos.
Segun sa report, inihayag ni US Secretary of State Marco Rubio na tahasang pigsasayumahan kan Estados Unidos an poder kan ICC na mag imbestigar o umusig sa mga namamanwaan asin opisyal kan nacion.
Paliwanag kaini na obheto kan ICC na usigon sana an mga matitinding pagbayolar alagad naging mas radikal asin sukdulan na suboot ini, asin pigduon na dae pigtutugutan kan Trump administration an korte na pagbantaan an mga opisyal kan Amerika.
Segun sa sarong State Department official, nagkapira sa mga pigkokunsiderar na opsyon ngani na i-target an ICC iyo an pagpapaotob nin travel ban, rebokasyon kan visa, pagpapakusog kan sanctions kan ICC asin an saindang affiliated organizations asin diplomatic pressure sa ibang nacion ngani na kumalas hali sa international tribunal.
Mientras tanto, sinabi man ni ICC spokesperson Oriane Maillet na dae magko komento sa nguyan an korte katakod kan nasabing isyu.
