Inako ni Department of Justice Secretary Fredderick Vida na wara pang panibagong report dapit sa pigkakahampang na mga reklamo ni Vice President Sara Duterte sa ahensya.
Paliwanag kaini na kapareho kan mga nakalihis na impormasyon, padagos na pinag-aadalan kan DOJ an ‘draft resolution’ kan reklamong ‘inciting to sedition’ asin ‘grave threats’ kontra sa bise presidente.
Marurumduman na Pebrero 2025 ipigsunad kan National Bureau of Investigation an mga reklamong nabanggit kontra sa bise presidente.
Katakod ini sa mga pagbabanta na binutasan ni VP Sara sa buhay ninda Presidente Ferdinand ‘Bongbong’ Marcos Jr., first lady Liza Araneta-Marcos asin dating House of Representatives Speaker Martin Romualdez.
Nakabinbin an reklamong sedisyon kontra sa bise presidente kaya sinierto ni Justice Secretary Fredderck Vida an pagheheras nin oras kun magkakaigwa nin panibagong lakdang dapit digdi.
Sa paghahapot kan Bombo Radyo kay Justice Secretary Vida, tinawan duon kan opisyal an proseso sa ‘Impeachment Trial’ kan Senado ki Vice President Duterte.
Ini an sa ibong kan kaparehong ‘grounds’ na pigtutukar sa kaparehong nabanggit na kaso partikular an sinambit kan bise presidente na pagbabanta sa buhay kan lider kan nacion.
Pigduon kan opisyal na an focus kan impeachment process iyo an pagpapanimbag sa sarong ‘impeachable official’ kun igwang bastanteng basehan.
Gigibuhon man suboot kan Department of Justice an pag-aadal kan criminal liability kan sarong indibidwal sa paagi kan ‘panel of prusecutors’ na ipigdesignar kan ahensya.
