LEGAZPI CITY-Preparado an banwaan kan Daraga sa Albay sa posibleng epekto kan habagat asin raot nin panahon sa nacion.
Mantang paluwas na an bagong Inday sa Philippine Area of Responsibility, pinagbabantayan man liwat kan mga otoridad an epekto kaini orog na pigbubugnot kan bagyo an habagat.
Segun kay Daraga Spokesperson Renz Luna, sa intrevista kan Bombo Radyo Legazpi na nakabantay sinda sa mga barangay partikularmente na sa mga nasa pamitisan kan Bulkang Mayon.
Naka-blue alert status naman sinda asin padagos na naka-monitor sa gabos na mga barangay. orog na sa parte kan Barangay Mi-isi, Matnog, Salvacion, Busay, asin Bañadero.
Mahigot man liwat an patanid na ibitaran an paglaog sa 6km permanent danger zone sa Bulkang Mayon.
Ini ngani maski bako direktang matama an bagyong Inday, alagad pinaghahandaan an posibleng epekto kan habagat na dara kaini.
Nakikipag-koordinar man sainda an mga residentes orog na sa mga barangay na pirmihang pigbabaha, partikularmente na sa southern barangays kan banwaan kan Daraga.
