LEGAZPI CITY-Ipigrekomendar kan Philippine National Police-Criminal Investigation and Detection Group (PNP-CIDG) sa Department of Justice (DOJ) an pagsangat nin kasong pagbalgar kan Anti-Hazing Act laban sa dating head coach kan Ateneo na si Tab Baldwin asin 10 miembros kan coaching and support staff.
Katakod ini sa pagkagadan kan mga student-athletes na si Rene Clert Baterbonia asin Divine Adili sa sarong team-building activity sa Dipaculao, Aurora kan Hunyo 8.
Nagluluwas sa imbestigasyon kan PNP-CIDG na puwedisir na ikonsiderar na hazing an ginibong seawater training huli ta nagkawsa suboot ini nin physical pain bilang rekisito sa pagtenir sa team asin parte man kan pagpili kan final lineup kan Ateneo para sa masunod na season kan UAAP.
Kinumpirmar kan Department of the Interior and Local Government na katuyuhan kan nasabing aktibidad na agyaton an pisikal asin mental na salud kan mga atleta.
Segun sa mga imbestigador, lima sa mga atleta an nagsabi na dai sinda tatao maglangoy, alagad nagpadagos suboot sa water training durante kan high tide, kun sain duwang biktima an nalamos.
Sa presente, wara pang simbag an kampo ni Tab Baldwin asin iba pang indibidwal na magsangat nin reklamo kontra sa mga nasabing akusasyon.
