LEGAZPI CITY-Sinabi kan sarong Filipino Lawyer na pwedisir na exempted sa criminal liability an saro sa mga suspek na nasa 14-anyos sa Tacloban shooting.
Alagad tinawan doon kan abogado na igwa siyang civil liability asin pwedisir isairarom sa rehabilitation intervention.
Segun kay Public Interest Lawyer Atty. Race Del Rosario, sa intrevista kan Bombo Radyo Legazpi na kadaklan sa mga pigsasairarom digdi, mga juvenile deliquent na naka-commit nin krimen asin pigtatawanan nin tsansa na maka-recover.
Sa irarom kan civil liability, pwedisir na pag-bayadon kan korte an suspek na menor de edad o kaya an saiyang mga magurang kun warang kwarta, para sa mga danyos.
Posible man na ilaag ini sa mga rehabilitation intervention kan DWSD arog kan “Home for Boys” hasta maka-recover asin magin functional na miembro kan sosyedad.
Pigpapaotob suboot ini ngani masierto na an mga jovenes, dai habangbuhay na magin kriminal asin pigtatawan nin tsansa na magbago.
