Nagkasundo an bagong majority bloc kan Senado na idesignar ni Sen. Francis “Chiz” Escudero bilang presiding officer sa impeachment trial ni Vice President Sara Suterte.
Magseserbi ining presiding officer oras na mag convene an Senado bilang impeachment court sa Hulyo 6.
Segun ki Sen. Ping Lacson na an nasabing proposal na pilion si Escudero an hali ki Senate President Sherwin Gatchalian.
Ini suboot an nagin consensus ninda alagad dae pighahali an posibilidad na magbago pa ini.
Paliwanag ni Lacson na napili si Escudero huli sa pagigin abogado kaini asin igwa na man na eksperyensya sa impeachment proceedings.
Pinahimutikan man kaini na an lakdang an ginibo huli sa desisyon ni Escudero na paglipat sa mayorya.
