LEGAZPI CITY-Ipinahayag ni Presidente Ferdinand Marcos Jr. an plano kan Pilipinas na mapalawig an diplomatikong presensya kaini sa paagi nin pagbukas nin mga bagong embahada asin konsulado sa bilog na kinaban.
Sa saiyang diskurso sa Vin d’Honneur sa Malacañang, pigheras kan Presidente na an nasyon magbubukas nin mga bagong embahada sa Kazakhstan asin Ghana ngonian na taon.
Kasabay kaini, piggigibo an konstruksyon kan sarong bagong Consulate General sa Miami, Florida ngani magserbi sa mga Pilipino sa Southeast kan Estados Unidos asin sa Caribbean.
Segun sa Hepe Ehekutibo, katuyuhan kan mga bagong misyon na ini, iyo an magtao nin marikas asin abilableng serbisyong konsular para sa proteksyon kan mga Overseas Filipino Workers (OFWs).
Ini man piglalaoman na magbubukas nin dalan para sa mas makusog na kooperasyon sa ekonomiya, palitang-kultural, asin relasyon sa politika sa mga host country.
