LEGAZPI CITY-Inilunsar kan grupong ‘Rise with Max’ sa banwaan kan Guinobatan sa provincia kan Albay.
Para ini sa mga biktima kan Mayon Eruption sa parte kan Tandarora Sitio Mabalod sa Guinobatan.
Nakapagbarewas man sinda nin bagas, mag gulayon, asin foodpacks sa 100 na katawo sa lugar.
Segun sa Organizer kan Community Pantry na si Sheryl Brobio, sa intrevista kan Bombo Radyo Legazpi na kadakol sa sainda an naghahatod nin mensahe ngani maabot kan saindang Community Pantry.
Nagpapasalamat man si Brobio sa suporta kan saiyang bilog na team asin mga volunteers ngani matabangan an mga nangangaipo sa komunidad.
Labi sa tulong bulan na kan magpoon an grupo sa Community Pantry asin padagos an maghahatod nin tabang sa mga komunidad sa provincia.
