Hahagadon kan kampo kan pamilya kan namaaram na Ateneo basketball player na si Rene Baterbonia sa Department of Justice (DOJ) na magpaluwas nin Immigration Lookout Bulletin Order kontra sa head coach kan Ateneo Blue Eagles na si Tab Baldwin.
Segun sa abogado kan pamilya na si Atty. Israelito Torreon, obheto kaini na masierto na magpapadagos nin matanos an imbestigasyon katakod kan pagkagadan kan duwang players.
Nilinaw man kan abogado na sa ngunyan, wara pa sindang direktang pig-aakusaran na may paninindugan si Baldwin.
Marurumduman na nagadan sinda Rene Baterbonia asin Divine Adili makalihis malamos sa kadagatan sa Dipaculao, Aurora kan Lunes mantang nagsasagibo nin team-building activity an koponan.
Mientras tanto, nag-atendir man sa burol ni Baterbonia an saiyang mga pag-iriba sa Ateneo Blue Eagles.
Nagpaabot man nin pakikidumamay hali sa Commission on Higher Education, Department of Education, asin Philippine Sports Commission.
Pinaglalaoman na i-uuli sa Agusan del Sur an hawak ni Baterbonia ngunyan na Huwebes.
