LEGAZPI CITY-Napag-araman kan Department of Trade and Industry (DTI) na mas hababa an presyo kan mga school supplies ngonian na taon kumpara kan nakaaging taon.
Segun kay DTI Secretary Maria Cristina Roque, saro sa mga nahihiling nindang rason, iyo an kadakulan kan ipinapabakal na school supplies sa mga merkado.
Dugang pa kaini, dakul na sindang nakaolay na mga negosyante asin sinabing nagbaba an mga presyo huli sa dakulang supply ngonian.
Nagpaluwas na man an ahensya nin mga price guide alagad nagtetenir na mas hababa an presyo ninda kaysa sa price guide.
Pigsierto kan Sekretaryo na padagos an saindang pag-monitor sa mga paratienda nin school supply ngani na masierto na nagsusunod an mga ini sa itinalaan na price guides.
