Nakatalaan na magsunad an Department of Public Works and Highways (DPWH) nin kasong kriminal kontra sa mga “big fish” na imbwelto sa sa flood control scandal.
Ginibo ni DPWH Secretary Vince Dizon an anunsyo ngunyan na Miyerkules, Hunyo 3, kasabay kan inspeksiyon sa Matalahib Creek Pumping Station sa Quezon City.
Nagsayuma man an opisyal na pangaranan an mga respondent asin sinabing an mga ini an high profile o darakulang personalidad sa Bulacan.
Isusunad an kaso sa aga, Huwebes, Hunyo 4 sa Malolos Regional Trial Court.
Marurumduman na enot nang inaprubaran kan Office of the Ombudsman an criminal charges kaibanan an plunder kontra sa mga prominenteng lehislador kaibanan na si Senador. Jinggoy Estrada asin dating mga opisyal kan DPWH.
Enot na man na nagsunad nin mga reklamo an ahensya sin mga kaso kontra sa nagkapirang district engineers asin private contractors huli sa maanomaliyang mga proyekto sa Bulacan asin iba pang mga provincia.
