Sinimbag ni Sen. Panfilo Lacson ang naenot na pahayag ni Sen. Pia Cayetano na warang nangumusta sainda kan mangyari an putukan sa Senado kan May 13.
Magigiromdomang kan Mayo 20 an naging emosyonal si Sen. Pia mantang pigbabalikan niya an nangyaring kariribokan sa Senado kan Mayo 13 mantang mistulang tinuyaw man niya an pirang kairiba na maski dekada na niyang bisto an dae man lang suboot sinda nangumusta kan kasagsagan kan kariribokan.
Hapot man ni Lacson, pano ba kukumustahon an mga maogmang nagkakan, nagkakape, asin naka-live pa?
Pinagbintangan pa suboot an minority bloc na may aram suboot sa putukan na nangyari sa laog kan Senado.
Kun babalikan an nawalat sa Senado an majority senators kan banggi kan Mayo 13 nganing magsagibo sana nin caucus alagad bago mag-abot an alas-otso an nangyari na an pambabadil.
Sunod-sunod man na nag-live sa saindang social media account an mga senador kan kasagsagan nin tensyon sa laog kan mataas na kapulungan.
Sa presente, nagtitinir na kontrobersyal an nasabing insidente makalihis ining ikonsiderar kan kadaklan bilang staged o planado.
