Ipigsugo kan Senado ka Lunes an pag-cite in contempt sa mga tauhan kan National Bureau of Investigation (NBI) na suboot nagbalo na arestaron si Senador Ronald ”Bato” dela Rosa sa laog kan Senado.
An nasabing mosyon an ipigsunad ni Senador Joel Villanueva ngani na i-cite in contempt an mga imbwelto na ahente kan NBI asin ilaag sinda sa kustodiya kan Senado, na tulos man na inaprubaran kan mayorya.
Segun ki bagong Senate President Alan Peter Cayetano, pigsugo niya an Office of the Sergeant-at-Arms na ilaag sa kustodiya kan Senado an nasabing mga indibidwal.
Dugang pa ni Cayetano na pwedesir sindang maghagad nin tabang sa Philippine National Police sa Pasay City ngani na maipaotob an kasuguan hasta sa makapagtao nin eksplenasyon an mga ahente.
Basado sa kuwa kan CCTV, mahihiling na marikas na nagdalagan si Dela Rosa pasiring sa plenary hall kan Senado ngani na maibitaran suboot an pag-arestar kan mga NBI na nakasibilyan.
