Nagkasundo an gobierno kan Pilipinas asin Vietnam na pakusugon an suplay nin bagas bilang kasimbagan sa long-term food security.
Segun ki Agriculture Secretary Francisco Tiu Laurel Jr., parte an kasunduan kan mas mahewas na plano kan gobierno ngani na mapakusog an trade partnerships sa mga pangenot na agricultural partners kan nacion.
Nabilog an kasunduan makalihis an high-level discussions sa pagultangan kan mga opisyal kan Pilipinas, kaibanan si Presidente Ferdinand Marcos Jr., asin Vietnamese Prime Minister Lê Minh Hưng sa sidelines kan 48th ASEAN Summit sa Cebu.
Sa irarom kan sarong taon na kasunduan, magtatao an Vietnam nin poco mas o menos 1.5 milyong metric tons nin bagas sa Pilipinas.
Pinaglalaoman na makakatabang an kasunduan ngani na mapakusog an national buffer stocks asin mamantenir an pusog na presyo kan bagas sa tahaw kan naeeksperyensyahan na pressure sa suplay.
Segun sa Department of Agriculture, pinaglalaoman na maabot an enot na shipment kan imported rice hali sa Vietnam sa Abril 2027 kung dagos na maisapinal an kasunduan.
