LEGAZPI CITY-Nag-isyu na nin show cause order an Land Transportation Franchising and Regulatory Board (LTFRB) Bicol sa apat na magkakasunod na aksidente kan mga provincial bus sa rehiyon.
Segun ki LTFRB Bicol Director Joel Defeo sa intrevista kan Bombo Radyo Legazpi na nag-isyu na sinda nin show cause order sa aksidente sa Lupi sa parte kan Sipocot, Camarines Sur.
Dugang pa kan opisyal na papatawan nin penalidad enkaso mapatunayan an negligence kan operator susog sa joint administrative order asin existing rules kan LTFRB.
Tinawan doon kan opisyal na natawan sana nin show cause order an mga aksidenteng imbuelto sa laog kan saindang hurisdiksyon.
Mientras tanto, bako man suboot peak season ngonian mantang summer asin kadikit sana an mga pasahero, huli sa presenteng krisis sa nacion.
Padagos man an pagkokondusir nin inspeksiyon kan saindang ofisina pag-abot sa mga terminal ngani masierto an kaligtasan kan mga byahe sa kakalsadahan.
