Nagkaigwa na nin kapangyarihan an gobyerno na limitahan an pagtaas kan presyo kan gasolina o magbugtak nun minimum na bawas sa presyo kan mga produktong petrolyo, mantang padagos na nahahampang sa kawalan nin kasyertuhan an world market.
Segun kay Energy Secretary Sharon Garin, an deklarasyon kan state of national energy emergency ni Presidente Marcos an nagtatao sa gobierno nin mas mahiwas na awtoridad na magbugtak o maglimita nin mga pagbabago sa presyo.
Ini an huli sa pagpapaotob kan Oil Deregulation Law na nagtutugot sa mga oil companies na magbugtak kan sadiri nindang presyo.
Poon kaya kan magsiklab an digmaan sa pagultangan kan Estados Unidos asin Iran, napiritan an mga Pilipino na gumastos nin mas dakula para sa mga produktong petrolyo.
