LEGAZPI CITY-Ipighayag ni U.S. President Donald Trump na pinaputukan kan U.S. Navy destroyer an sarong Iranian-flagged cargo ship na suboot nag-porbar na mag-iwas sa naval blockade kan Estados Unidos sa Gulf of Oman.
Sa saiyang post sa Truth Social, sinabi ni Trump na pinatanidan suboot kan United States Navy an barko na magpundo, alagad dai ini nagsunod.
Kun kaya napiritan suboot na magpaputok an guided missile destroyer na USS Spruance sa nasambitang cargo ship, rason ngani tumama sa engine room kan barko.
An insidente kasunod kan akusasyon ni Trump na pagbayolar kan Iran sa ceasefire agreement makalihis an suboot pagpapaputok kaini sa Strait of Hormuz.
Mientras tanto, sinabi kan Iran na liwat na sinarado an nabangggit na rutang pandagat sa kadaklan na mga barko asin inakusaran an Estados Unidos nin pagbayolar sa pagtubod sa pagultanan kan duwang nacion.
Marurumduman na liwat na sinarado kan Iran an Strait of Hormuz sa gabos na cargo-ship, huli suboot sa pagbayolar kan Amerika sa saindang naging kasunduan.
