Pigjayag kan Department of Energy (DOE) na posibleng magkaigwa pa nin rollback sa presyo kan produktong petrolyo sa masunod na semana.
Basado sa pagkakarkulo kan ahensya na posibleng magkawat sa P13 hasta P15 kada litro an rollback sa diesel.
An gasolina man an posibleng magkaigwa nin tapyas na nasa P1 hasta P2 kada litro.
Segun ki DOE Undersecretary Alessandro Sales, nagbaba an Mean of Platts Singapore (MOPS) na indikasyon kan posibleng pagbaba kan presyo kan langis sa pang kinaban na merkado.
Naglalaom man an ahensya na magpapadagos an pag-stabilize kan pang kinaban na presyo ngani na maka eksperyesya nin big time oil price rollback an nacion.
Mientras tanto, pinag-aadalan pa kan Marcos administration an posibleng pagsuspinde kan excise tax sa diesel asin gasolina, kasunod kan enot na lakdang na paghali sa buwis sa LPG asin kerosene.
