Mahigot na pinahimutikan ni dating presidente asin presenteng Rep. Gloria Macapagal Arroyo an mga bareta manungod sa suboot plano na patalsikon si House Speaker Faustino Dy III bilang Speaker kan Kamara de Representantes.
Ini an reaksyon ni Arroyo sa nagluwas na report kan nakaaging aldaw na igwang planong pahalion si Dy bilang Speaker.
Dugang pa kaini na igwa siyang bilog na kumpiyansa sa liderato ni Dy asin nagtetenir an saindang haloy nang relasyon.
Si Arroyo an nagtukaw bilang Speaker kan Kamara poon 2018 hasta 2019.
An saiyang pagtukaw sa pwesto an resulta kan sarong “kudeta” laban ki Pantaleon Alvarez, pirang aldaw antes an State of the Nation Address (SONA) ni Presidente Rodrigo Duterte kaidto.
Sa presente, nanindugan si Arroyo na warang katotohanan an mga bareta na imbwelto siya sa anuman na lakdang na patalsikon an presenteng lider kan Kamara.
