LEGAZPI CITY – Dae man piglalaoman kan Bicolano board passer na na magigin lisensyadong doctor ini sa kakatapos pa sanang March 2026 Physician Licensure Examination.
Segun ki Dr. Timothy Espedido Cañete sa eksklusibong intrevista kan Bombo Radyo Legazpi na nangalas siya sa resulta huli ta aminado siyang nadifisilan siya kun sain wara siyang ideya kun sain hale an ibang kahapotan.
Nagpasalamat man siya sa mga nagsuporta sa pag-abot kan saiyang trayumpo partikularmente na an Bicol University na dae sinda pinabayaan poon sa poon sagkod sa mismong aldaw kan eksaminasyon.
Paghistorya niya pa na wara sa isip niya an pagigin doctor kan antes siya maglaog sa kolehiyo alagad nagtutubod siya na pigtahak niya an sarong bagay na gusto kan kagurangnan para saiya asin iyo ini an pagtabang sa mga nangangaipuhan.
Nagpasalamat man an naunambitang board passer sa mga nagsuporta saiya na dae sinda binutasan poon sa paglaog ninda sa College of Medicine sagkod sa magin lisensyadong doctor.
Pagirumdom man ni Cañete sa mga aspiring doctor na parte na kan saindang journey an paghampang kan kadifisilan asin ini an magigin basehan kun gano kahamis an magigin bunga kan saindang paghingoa sa futuro
