Nagtetenir an posibilidad na umabot sa P200 kada litrong an presyo kan diesel sa Pilipinas, segun sa Department of Energy (DOE).
Siring man, naglalaom an ahensya na dae ini mangyayari.
Paglilinaw ni Energy Sec. Sharon Garin na bako pa malinaw sa ngunyan kun sain maabot sa siring na sitwasyon an oil prices sa nacion mantang nagpapadagos an negosasyon para sa dagos na paghupa kan giyera sa Middle East.
Segun sa opisyal na bako kontrolado kan gobierno an sitwasyon sa kalakalan kan produktong petrolyo asin paghiro kan presyo kaini sa pang kinaban na merkado hasta sa local market.
Kun ibabase sa historya, dae pa suboot naga-abot sa siring na lebel an langis sa Pilipinas, alagad huli sa dikta kan global market, dakol an posibleng mangyari sa kalakalan kan langis.
Dae suboot tulos mababa an presyo kan langis sa local market maski pa biglaan na matapos an giyera huli sa permanenteng danyos na iwinalat kan mahewasan na mga pagsakyada sa petroleum industry sa kinaban.
