Nagpatanid si US President Donald Trump na pupuntiryahon kan Estados Unidos an mga planta nin kuryente asin mga tulay sa Iran saaga, Martes, kun dai bubuksan an Strait of Hormuz.
Sa sarong online post, sinabi ni Trump na magigin sabay na pag-atake ini sa importanteng imprastraktura kan Iran.
Nanindugan ini na mantenidong sarado an naunambitang agihan makalihis an labi sa sarong bulan na tensyon asin pag-atake kan US asin Israel.
Nagpatanid man an US President na mahampang an Iran sa magabat na kapadusahan kun dai ini maghiro.
Mientrastanto, pig-anunsyo ni Trump na magkakaigwa siya nin press conference ngonian na Lunes makalihis na masalbar kan US military an duwang piloto kan eroplanong nagbagsak sa Iran.
