Sienerto kan Department of Energy (DOE) an salbado na pag-agi kan mga suplay nin langis kan nacion sa Strait of Hormuz makalihis magpromesa an sa Strait of Hormuz matapos nin “safe, unhindered, and expeditious passage through the Strait of Hormuz” kan mga Philippine-flagged vessels, pati na man an kaligtasan kan mga Tripulanteng Pilipino.
Sa sarong social media post sinabi ni Energy Secretary Sharon Garin, na parte ini kan ”Risk Management” kan gobierno nganing mabawasan an peligro kan pagka-octaba kan suplay nin langis sa tahaw kan giyera sa Middle East.
Dakula an papel kan Strait of Hormuz sa pankinabang kalakalan kan langis huli digdi nag-aagi an darakulang parte nin suplay kan krudo sa bilog na kinaban.
Siring man, nilinaw ni Garin na dae ini nangangahulugan nin tulos na pagbaba kan presyo nin langis sa nacion. Segun saiya, nakasentro an kasunduang ini sa pagpapababa kan peligro, alagad dae kaini pigtutugunan an panghaluyang problema sa enerhiya.
Mientrastanto, piglalaoman man liwat an panibagong pagtaas kan presyo kan produktong petrolyo ngunyan na semana. Pigkarkulong pwedesir maghalangkaw an diesel nin P17 sagkod P19 kada litro, mantang an gasolina an posibleng madugangangan nin P3 hanggang P5 ang kada litro.
Dugang pa digdi, padagos na naeeksperyensyahan an surunodan na oil price hike ngunyan na taon, na nagkawsa nin dakulang dugang na pasanon sa mga motorista asin konsyumer.
