LEGAZPI CITY—Naka-deploy an nasa labi 600 na kapulisan kan Catanduanes nganing magtaong seguridad ngunyan na obserbasyon kan Semana Santa sa isla provincia.
Segun ki Catanduanes Police Provincial Office Public Information Officer Police Lieutenant Colonel Emsol Icawat, sa intrevista kan Bombo Radyo Legazpi, katabang ninda sa pagtaong seguridad an Bureau of Fire Protection, Philippine Army, Philippine Coast Guard, asin iba pang volunteer groups.
Naka-deplpy an mga nasabing personahes sa mga eropuerto, terminal, pantalan, tourist destinations, magin sa mga Simbahan.
Dugang ni Icawat na saroo man sa saindang pigbabantayan an mga vehicular accident urog na an mga nasa impluwensya nin arak.
Mientrastanto, pagiromdom kan opisyal sa mga mabiyahe na siertohon na iobserbar an BLOWBAGETS (Brake, Lights, Oil, Water, Battery, Air, Gas, Engine, Tires, asin an sadiri o self) nganing malaikayan an anumanag dae piglalaomang insidente.
