Pigduon kan Office of the Ombudsman na ‘frozen’ pa man giraray an assets kan gabos na imbwelto sa kaso kan mga anomalous flood control projects.
Sa sarong pahayag, piglinaw ni Assistant Ombudsman Atty. Mico F. Clavano na wara pa man liwat nin kanya-kanyang kwarta o assets sa bangko an mga respondents.
Sa ibong suboot na igwa nin expired freeze order laban sa mga ini, pigdoon ni Ombudsman Spokesperson Clavano na nakakua kan tanod bayan nin asset preservation order.
Nangangahulugan ini na an mga bank account an magtetenir na naka-freeze susog sa mga kasong civil forfeiture na isinangat kontra sa mga akusado asin pig-imbestigaran huli sa pagkaimbwelto sa korapsyon.
Kaya orog pang ipinaliwanag kan tagapagtaram kan Office of the Ombudsman an mga technicalities dapit sa katuyuhan na ‘frozen’ an bank accounts kan mga imbwelto.
Sa ibong kaya kan pag-expire kan mga freeze orders, positibong ipighiras kan opisyal an paagi kan tanod-bayan ngani na dae na liwat mapasakamot kan mga respondents an saindang mga bank account.
Mientrastanto, pigsierto man ni Ombudsman Jesus Crispin ‘Boying’ Remulla na padagos pa an saindang imbestigasyon katakod kan mga kontrobersyal na flood control projects.
Mantenido niya an dati niyang paninindugan na dae niya sasabihon kun sisay an masunod na sasangatan nin kaso, kundi hinagad niya sa publiko na maghalat na sana.
Sa ibong kan dai siya direktang nagsimbag kun igwa nin sunod na makakasuhan, sinabi niya na piglalaoman niya na magigin mainit an ‘summer’ na ini.
