Piglalaoman na maabot sa Pilipinas sa masunod na semana an nasa 300,000 bariles nin diesel na binakal kan gobyerno sa sarong nasyon sa Southeast Asia nganing matugunan an pangangaipuhan sa suplay.
An lakdang na ini kan Department of Energy (DOE) asin Philippine National Oil Co. (PNOC) an may katuyuhan na maseguro an magkakanigong supply sa tahaw kan krisis sa Middle East.
Ipapabakal an suplay sa mga pribadong kompanya nin langis nganing makatabang sa kakulangan.
Supisyente sana an kantidad na ini nin diesel para sa poco mas o menos duwang aldaw na pagkonsumo sa Pilipinas.
Ginibo an pagbakal sa tahaw kan piglalaoman na paglangkaw kan presyo kan produktong petrolyo sa maabot na semana.
